Gavana Obado kusalia korokoroni


Migori Governor Okoth Obado (right) and his co-accused Caspal Obiero (Centre) and Michael Oyamo. PHOTO| ...
Migori Governor Okoth Obado (right) and his co-accused Caspal Obiero (Centre) and Michael Oyamo. PHOTO| CITIZEN DIGITAL

Gavana wa Migori Okoth Obado, msaidizi wake Micheal Oyamo na karani katika kaunti ya Migori Caspar Obiero, watajua hatma ya iwapo wataachiliwa kwa dhamana siku ya Ijumaa.

Watatu hao wanaokabiliwa na shtaka la mauaji ya Sharon Otieno sasa wameongezewa shtaka la kumuua kijusi aliyekuwa tumboni mwa Sharon wakati wa kuuawa kwake.

Katika kikao kilichofanyika chini ya saa moja mahakamani ya milimani, jaji wa mahakama kuu Jessie Lessit aliwasukuma tena korokoroni Obado, Oyamo na Obiero huku wakisubiri hadi ijumaa, kabla ya kuskizwa kwa ombi lao la kutaka kuachiliwa kwa dhamana.

Upande wa mashtaka ukiongozwa na Jacob Ondari ulirekebisha mashtaka na kuongeza mauaji ya mtoto wa miezi saba aliyekuwa tumboni mwa Sharon wakati wa kuuawa kwake.

Watatu hao walikanusha mashtaka mawili ya mauaji na kuomba mahakama kuwaachilia kwa dhamana.

Hata hivyo familia ya Sharon kupitia wakili na mbunge wa Homabay mjini Peter Kaluma, waliwasilisha ombi la kutaka mahakama kufutilia mbali maombi ya watatu hao kuachiliwa kwa dhamana wakisema huenda wakahatarisha maisha yao.

For Citizen TV updates
Join @citizentvke Telegram channel



Video Of The Day: On Viusasa, now you can download your videos and play them back later

Story By Hassan Mugambi
More by this author