IEBC yachapisha ushindi wa Rais Kenyatta kwenye gazeti la serikali

Tume ya uchaguzi imechapisha uchaguzi wa Rais Uhuru Kenyatta na William Ruto kama rais na naibu rais kwenye gazeti rasmi la serikali na kuashiria kipindi cha wiki moja ambapo wanaopinga uchaguzi huo wanaweza kwenda mahakamani. Haya ni huku tume hiyo ikitangaza kufunguliwa kwa sava zinazoonyesha shughuli zilivyokua kuanzia wakati wa uchaguzi hadi pale matokeo yalipotangazwa.