Kalonzo alikubali kuwa mgombea mwenza kwa masharti

Kinara wa ODM Raila Odinga atawania urais kwa muhula mmoja tu, na kuwapokeza usukani wenzake katika muungano wa NASA kuanzia mwaka 2022. Kulingana na mkataba uliozinduliwa siku ya Alhamisi, Odinga atajitosa ulingoni katika kinyang’anyiro cha mwaka huu, na iwapo atashinda au asishindwe, chama cha ODM hakitawasilisha mgombea. Suala ibuka ni je, iwapo Odinga atafanikiwa kumlambisha sakafu Rais Uhuru Kenyatta, atakubali kukaa kando baada ya kuchovya buyu la asali ya urais mara moja tu?