Mahakama yaamua kambi ya Dadaab isifungwe

Uamuzi wa kenya kufunga kambi ya Dadaab umepata pigo baada ya mahakama kuamuwa kwamba uamuzi huo ulikuwa unakiuka haki za binadamu. Vile vile serikali imetakiwa kuidhinisha tena idara ya wakimbizi na kuhakikisha kwamba shughuli zinaendelea kama kawaida katika kambi hiyo. Uamuzi huo uliotolewa na Jaji John Mativo hata hivyo umepata pingamizi huku msemaji wa serikali Eric Kiraithe akidai kwamba watakata rufaa dhidi ya uamuzi huo kwani kulingana nao ni kwamba hatua hiyo iliafikiwa kwa sababu ya usalama wa taifa.