Marwa asema doria itaimarishwa Boni

Mratibu wa masuala ya usalama katika eneo la Pwani Nelson Marwa ametangaza kwamba serikali inapania kuongeza idadi ya maafisa wa usalama katika eneo la msitu wa Boni, Kaunti ya Lamu.
Kulingana na Marwa, hatua hiyo inalenga kupiga jeki juhudi za serikali za kupambana na visa vya ugaidi karibu na eneo hilo. Matamshi ya Marwa yakikuja siku moja baada ya gari la polisi kulipuliwa kwa kilipuzi kilichotegwa barabarani likiwa njiani kuelekea eneo la Kiunga ambapo watu wanane wakiwemo wanafunzi wanne na maafisa wa polisi wanne wameaga dunia hadi sasa.