NASA yapinga uwepo wa manifesto mbili

Muungano wa upinzani-NASA umepuuzilia mbali madai kuwa ulizindua manifesto mbili, na kuwahadaa wakenya kuhusiana na lengo lake la kujitosa kwenye kinyang’anyiro cha urais mwezi ujao. Aidha, NASA imekanusha manifesto inayodaiwa kufichwa, na yenye orodha ya miradi mikubwa ya mabilioni ya pesa iliyofadhiliwa na mabwenyenye wa kibiashara, wanaonuia kujifaidi iwapo Raila Odinga atashinda urais.