Rais Kenyatta aimarisha ngome yake Murang’a

Rais Uhuru Kenyatta amepuuzilia mbali madai ya kinara wa NASA Raila Odinga kuwa majeshi yanapangiwa kutumiwa kuiba kura. Katika ziara yake huko Murang’a, rais amemkashifu Raila kwa kuingiza siasa katika masuala ya usalama na kumtaja kama ambaye ananuia kuleta mgawanyiko wa kikabila. Rais Kenyatta amesema kuwa mafunzo yanayotolewa kwa maafisa wa usalama kwa sasa yanahusisha maafisa kutoka pembe zote za nchi na   yanahusiana na mikakati ya kiusalama wakati wa uchaguzi.