Wangusi akanusha kuwa CAK inapania kudukua simu za Wakenya

Mamlaka ya mawasiliano nchini hii leo imekanusha madai kuwa inapania kuanza kuchunguza mawasiliano ya wakenya kwa kudadisi simu zao. Francis Wangusi ambaye ndiye mkurugenzi mkuu wa mamlaka hiyo, anasema kuwa mfumo mpya wanaoubuni unalenga kukabiliana na simu ghushi sawa na kukomesha mawasiliano yanayofanyika kinyume cha sheria. Wakati uo huo kampuni ya huduma za mawasiliano ya Safaricom imepinga vikali hatua ya mamlaka hiyo.